SBI customers beware There is a fake SMS asking PAN update

    SBI customers beware There is a fake SMS asking PAN update. சைபர் கிரைம் சம்பவங்கள் நாளுக்கு நாள் கணிசமாக அதிகரித்து வருகின்றன. மோசடி செய்பவர்கள் அப்பாவி பயனர்களை ஏமாற்றி அவர்கள் உழைத்து சம்பாதித்த பணத்தை திருட புதிய வழிகளை அன்றாடம் கண்டறிந்து வருகின்றனர். இதில் மக்களை ஏமாற்றுவதற்கான பொதுவான வழிகளில் ஒன்று குறுஞ்செய்தி அனுப்புவது அல்லது வாட்ஸ்அப் ல் போலியான செய்திகளை பகிர்வது  ஆகியவை. தற்போது, ​​​​இந்திய அரசாங்கத்தால் அறிவிக்கப்பட்ட ஒரு புதிய மோசடியில், ஸ்டேட் பாங்க் ஆஃப் இந்தியா (எஸ்பிஐ) என்ற பெயரில் மோசடி செய்பவர்கள் மக்களை ஏமாற்றி வருகின்றனர். 

எஸ்பிஐ கணக்கு வைத்திருப்பவர்களுக்கு மோசடி செய்பவர்கள் குறுஞ்செய்தி அனுப்புவதை PIB உண்மைச் சரிபார்ப்புக் குழு சமீபத்தில் கண்டறிந்தது. அந்த செய்தியில், மோசடி செய்பவர்கள், வங்கி பயனர்களுக்கு தங்கள் SBI Yono கணக்கைப் புதுப்பிக்கவும், மீண்டும் செயல்படுத்தவும் தங்கள் PAN கார்டு விவரங்களைப் புதுப்பிக்குமாறு அந்த குறுஞ்செய்தியில் கேட்டுக் கொண்டுள்ளனர்.

 பல எஸ்பிஐ வங்கிக் கணக்கு வைத்திருப்பவர்கள் தங்கள் யோனோ கணக்கு செயலிழக்க பட்டுள்ளதாகவும், கணக்கை மீண்டும் செயல்படுத்த தங்கள் பான் எண்ணைப் புதுப்பிக்க வேண்டும் என்றும் குறுஞ்செய்தி வந்துள்ளது. இந்தச் செய்தியில் ஒரு இணைப்பையும் உள்ளடக்கியிருந்தது, அதைக் கிளிக் செய்வதன் மூலம் பயனரின் தனிப்பட்ட விவரங்களை ஹேக்கர்கள் அணுகுகின்றனர்.

    "அன்புள்ள வாடிக்கையாளரே, உங்கள் SBI YONO கணக்கு இன்று மூடப்பட்டுவிட்டது, பின்வரும் இணைப்பில் உங்கள் PAN எண்ணைப் புதுப்பிக்கவும்" என்று அந்தச் செய்தி கூறுகிறது. உண்மையில் எஸ்பிஐ பெயரில் இதுபோன்ற செய்தி வந்திருந்தால், நம்ப வேண்டாம். இது முற்றிலும் போலியானது.

சமீபத்திய ட்வீட்டில், PIB Fact Check இந்த போலி செய்தி குறித்து SBI வாடிக்கையாளர்களை எச்சரித்து, எச்சரிக்கையாக இருக்கும்படி கேட்டுக் கொண்டது. “எஸ்பிஐயின் பெயரில் வெளியிடப்பட்ட உங்கள் தனிப்பட்ட அல்லது வங்கி விவரங்களைப் பகிருமாறு கேட்கும் மின்னஞ்சல்கள்/எஸ்எம்எஸ்களுக்கு ஒருபோதும் பதிலளிக்க வேண்டாம்” என்று ட்வீட் ல் குறிப்பிடப்பட்டுள்ளது. "எஸ்பிஐ ஒருபோதும் செய்திகள் மூலம் தனிப்பட்ட விவரங்களைக் கேட்பதில்லை" என்று அரசாங்கத்தின் அதிகாரப்பூர்வ உண்மைச் சரிபார்ப்பாளர் மேலும் கூறினார். அத்தகைய செய்திகளுடன் பகிரப்பட்ட சரிபார்க்கப்படாத இணைப்புகளை பயனர்கள் ஒருபோதும் கிளிக் செய்யக்கூடாது.

போலி எஸ்பிஐ செய்திகளை எவ்வாறு புகாரளிப்பது

உங்கள் எஸ்பிஐ கணக்கு தொடர்பான ஏதேனும் செய்தி வந்திருந்தால், அது போலியானது என நம்பினால், அந்தச் செய்தியைப் முதலில் புகாரளிக்க வேண்டும். செய்தியைப் புகாரளிக்க, report.phishing@sbi.co.in என்ற மின்னஞ்சல் முகவரிக்கு மின்னஞ்சல் அனுப்பலாம் அல்லது ஹெல்ப்லைன் எண் - 1930க்கு அழைக்கலாம்.